L-isfilata tal-Karnival

Kien Frar, żmien il-Karnival. Bħal kull sena ,jien u l-familja tiegħi dejjem immorru naraw l-isfilata tal-Karnival.

L-isfilata tal-Karnival tiġi iċċelebrata ġewwa l-Belt Valletta. Jien u oħti dejjem nilbsu xi kostum sabiħ. Hekk kif naslu l-Belt nibqgħu sejrin dritt biex naqtgħu l-biljetti ħalli nkunu nistgħu noqogħdu naraw l-isfilata bilqiegħda. L-ewwel bdew jiżfnu l-buffi mal-innu tal-Karnival. Wara komplew jiżfnu xi tfal li kellhom kostumi sbieħ. Mal-ħin bdew deħlin anke xi karrijiet kbar. Kien hemm ħafna briju , diski kif ukoll sfafar. Waqt li konna qed naraw l-isfilata bdejna nieklu l- perlini. L-iktar karru li għoġobni kien ir-re tal- Karnival għaliex kien kbir u kkulurit. Jien kont ilbist ta' supereroj għal din is-sena.

Kull sena nieħu gost meta mmur il-Karnival għax ikun hemm ħafna briju. Għalija l-Karnival huwa żmien sabiħ ħafna.